Տարրական դպրոց
Մենք ստեղծում ենք անվտանգ, հոգատար և ոգեշնչող միջավայր, որտեղ սովորողները ազատ ստեղծագործում են և բացահայտում իրենց ներուժը:
Տարրական դպրոցում երեխաները ստանում են որակյալ կրթություն՝ արդի կրթական չափանիշներին համապատասխան: Մեր նպատակն է ձևավորել բանիմաց, վերլուծող, լայնախոհ, հետաքրքրասեր, պատասխանատու և ներդաշնակ զարգացած սովորողների։
Ծրագիրը հենվում է Հանրակրթության պետական չափորոշչի պահանջների վրա՝ ներառելով նաև միջազգային պահանջներին համապատասխան մշտապես կատարելագործվող հեղինակային ծրագիրը։
Այստեղ երեխաները սովորում են մտածել և հաղորդակցվել ոչ միայն հայերենով, այլև անգլերեն և ռուսերեն լեզուներով, զարգացնում են իրենց ստեղծագործական ու տրամաբանական մտածողությունը, համագործակցային և սոցիալական հմտությունները:
1-4-րդ դասարաններում սովորողներն ունեն նաև ինքնուրույն գործունեության (դասապատրաստման) հնարավորություն՝ մանկավարժի ներկայությամբ ամրապնդելով իրենց գիտելիքները, ինքնակազմակերպման և ժամանակը արդյունավետորեն օգտագործելու հմտությունները։
Տարրական դպրոցում արտաուսումնական կյանքը հագեցած է բազմազան միջոցառումներով, ցուցահանդեսներով, ուսումնական և ճանաչողական էքսկուրսիաներով։ Սովորողները պարբերաբար այցելում են պատկերասրահներ, թանգարաններ, թատրոններ, գործարաններ և պատմամշակութային վայրեր՝ խորացնելով իրենց գիտելիքներն ու ընդլայնելով աշխարհայացքը։
Դասերից հետո երեխաները կարող են իրենց ընտրությամբ մասնակցել արտաուսումնական խմբակների, որոնք նպաստում են ստեղծագործական, մտավոր և ֆիզիկական կարողությունների զարգացմանը։ Խմբակները երեխաներին հնարավորություն են տալիս զարգանալու տարբեր ոլորտներում՝
- Լեզուներ
- Արվեստ
- Գիտություն
- Սպորտ
Մեզ համար առաջնահերթ է ազգային արժեքների և մշակութային ժառանգության նկատմամբ հարգանքի և պատասխանատվության, ինչպես նաև դրանք պահպանելու և զարգացնելու դիրքորոշման ձևավորումը: Մեր սովորողները հաղորդակից են դառնում ազգային ավանդույթներին, մշակութային ժառանգությանը, ճանաչում մեր հայրենիքի պատմության նշանակալի դրվագները, ձևավորվում են որպես պատասխանատու քաղաքացիներ:
Ընդունելության կարգը
Participation in an Open Day / Information Session
Individual Interview
Group Interaction Session
Submission of an Application Form
Participation in an Open Day / Information Session
Entrance Examinations
- հոգատար, ջերմ և ապահով միջավայրը
- չափորոշչահեն տարբերակված կրթությունը
- բարձրակարգ մասնագետները
- սակավակազմ դասարանները /առավելագույնը՝ 16 սովորող խմբում/
- երկու օտար լեզուների տարամակարդակ ուսուցումը
- արտաուսումնական խմբակները
- արտաուսումնական հագեցած առօրյան
- համագործակցությունը ՀՀ և աշխարհի տարբեր դպրոցների հետ։
Դասերը սկսվում են ժամը 08:30 և ավարտվում 17:00։
Դպրոցում գործում է նաև պահման ծառայություն, որտեղ տարրական դպրոցի սովորողները կարող են ապահով և հարմարավետ միջավայրում մնալ մինչև 18:30:
Տարրական դպրոցում սովորողները սննդաբանների մշակած ճաշացանկով ստանում են երեքանգամյա առողջ սնունդ։
- մայրենի
- մաթեմատիկա
- անգլերեն
- ռուսերեն
