Ավագ դպրոց

Ավագ դպրոցում աշակերտները ամրապնդում են գիտելիքները, բացահայտում իրենց ուժեղ կողմերն ու հետաքրքրությունները և ստանում աջակցություն ապագա մասնագիտության ընտրության հարցում։ Մեզ համար կարևոր է ոչ միայն գիտելիքների փոխանցումը, այլև փափուկ հմտությունների զարգացումը․ մեր աշակերտները զարգացնում են քննադատական և ստեղծագործական մտածողություն, սովորում են արդյունավետ հաղորդակցվել, համագործակցել թիմում, և վստահորեն հասնել իրենց նպատակներին։

«Գլոբալ Բրիջ» դպրոցի կրթական ծրագիրը ներառում է հանրակրթության պետական չափորոշչի պահանջները  և հեղինակային կրթական ծրագիրը, որը մշտապես լրամշակվում և կատարելագործվում է՝ ժամանակակից միջազգային կրթական փորձի պահանջներին համապատասխան։ Աշակերտները մասնակցում են սեմինարների, թեմատիկ դասախոսությունների, իրականացնում նախագծային և հետազոտական աշխատանքներ, որոնք զարգացնում են մի շարք հմտությունները և հնարավորություն տալիս ձեռք բերված գիտելիքները կիրառել գործնականում։

10–12-րդ դասարաններում գործում են երկու հոսք՝ ընդհանուր և ֆիզիկամաթեմատիկական։ 

11-րդ դասարանից սկսվում է միջազգային քննությունների՝ TOEFL, SAT և IELTS-ի նախապատրաստությունը, որը հնարավորություն է տալիս շարունակել ուսումը Հայաստանի և արտասահմանյան առաջատար բուհերում։ Մեր կրթական խորհրդատվության բաժինը աջակցում է աշակերտներին համալսարան ընդունվելու ամբողջ ընթացքում՝ սկսած համալսարանի ընտրությունից մինչև դիմումի կազմում և ընդունելություն։ Այս համակարգված աջակցությունը հնարավորություն է տալիս յուրաքանչյուր աշակերտի գտնել իր նպատակներին համապատասխան կրթական ծրագիր և ուսումնական հաստատություն։ Մեր շրջանավարտներից շատերը այսօր էլ հաջողությամբ սովորում են աշխարհի առաջատար համալսարաններում՝ հաստատելով, որ որակյալ կրթությունը կարող է դառնալ ամուր հիմք ապագայի համար։

Ինչպես տարրական և միջին դպրոցում, այնպես էլ ավագ դպրոցում կարևորում ենք լեզվական հմտությունների զարգացումը․ աշակերտները խորացնում են անգլերենի և ռուսերենի գիտելիքները, ինչպես նաև հնարավորություն ունեն ուսումնասիրելու երրորդ օտար լեզու՝ իտալերեն, իսպաներեն, ֆրանսերեն, չինարեն կամ թուրքերեն։ Սա ընդլայնում է նրանց աշխարհայացքը, զարգացնում մշակութային ընկալումը և հնարավորություն տալիս օգտվելու ժամանակակից կրթական ռեսուրսներից։

Ավագ դպրոցի աշակերտները մասնակցում են էքսկուրսիաների և կրթական այցելությունների, ձեռք բերում նոր ծանոթություներ և շփվում ոլորտի առաջատար մասնագետների հետ։ Մեր սաները ակտիվորեն մասնակցում են համադպրոցական և հանրապետական օլիմպիադաների, մրցույթների, կոնֆերանսների և սոցիալական նախագծերի, որտեղ զարգացնում են թիմային աշխատանքի, առաջնորդական և հաղորդակցման հմտությունները։

Մենք ձգտում ենք, որ յուրաքանչյուր շրջանավարտ լինի ինքնուրույն մտածող, ստեղծագործ և պատասխանատու անհատ, ով հստակ գիտակցում է իր նպատակները և վստահ է իր կարողություններում։