Սիրով ողջունում եմ Ձեզ մեր կայքում։
Ինձ համար մեծ պատասխանատվություն և պատիվ է ղեկավարել կրթական հաստատություն, որտեղ գիտելիքը, հմտությունները և արժեքները ձևավորվում են ներդաշնակ։ Մենք հավատում ենք, որ իրական կրթությունը միայն ակադեմիական արդյունք չէ, այլ՝ արժեքահեն գործընթաց, որի հիմքում են մարդասիրությունը, պատասխանատվությունը, ազնվությունը և հարգանքը։
Մեր դպրոցում կարևորում ենք ազգային արժեքների պահպանումը և փոխանցումը՝ համադրելով դրանք ժամանակակից միջազգային կրթական մոտեցումների հետ։ Մենք ձգտում ենք կրթել մտածող, ինքնուրույն և հայրենասեր անհատներ, որոնք մրցունակ են համաշխարհային մասնագիտական դաշտում։
Մենք հավատում ենք, որ յուրաքանչյուր երեխայի մեջ կա առաջնորդական ներուժ, և ստեղծում ենք կրթական այնպիսի միջավայր, որտեղ սովորողները զարգացնում են նախաձեռնողականություն, պատասխանատվություն իրենց ընտրությունների համար, համագործակցելու և որոշումներ կայացնելու կարողություն։ Մենք պատրաստում ենք ապագա առաջնորդների, որենք ունեն կայուն արժեհամակարգ, քննադատական մտածողություն և պատրաստ են դրական ազդեցություն ունենալ իրենց համայնքի և աշխարհի վրա։
Մենք ստեղծում ենք անվտանգ, աջակցող և ներգրավող միջավայր, որտեղ յուրաքանչյուր երեխա գնահատված է։ Մեր նվիրված մանկավարժական թիմը մշտապես աշխատում է նորարարական մեթոդներով և շարունակական մասնագիտական զարգացմամբ՝ ապահովելով որակյալ կրթություն և անհատական մոտեցում ցուցաբերելով յուրաքանչյուր աշակերտի նկատմամբ։
Մենք մեծ կարևորություն ենք տալիս դպրոցի, ընտանիքի և համայնքի համագործակցությանը՝ վստահ լինելով, որ հաջողությունը հնարավոր է միայն համատեղ ջանքերի շնորհիվ, և արդյունքում ձևավորված բաց աշխարհայացքը և մտածելակերպը մեր սաներին կուղեկցեն ողջ կյանքի ընթացքում։
Շնորհակալ եմ մեր դպրոցին վստահելու համար։ Հրավիրում եմ Ձեզ բացահայտելու մեր կրթական միջավայրը և միասին կառուցելու մեր երեխաների լուսավոր ապագան։
Հարգանքով՝ Աննա Հարությունյան
Հիմնադիր տնօրեն
